1.Кој ве запозна со одбојкарската игра ?
Со одбојкарската игра ме запозна, Емил Спасовски (учител, наставик) во осноно училиште.
2.Колку години активно и професионално се занимавате со одбојка и дали постоеше друга професија освен одбојката ?
Активно со одбојка започнав во 2005 година, додека веќе во 2006 година и на професионално ниво во тимот на Работнички Фершпед. Други активности освен одбојка немав.
3.Кој е вашиот прв спортски ментор ? Се сеќавате ли како изгледаше првиот ваш ден на тренинг или натпревар ?
Првиот спортски ментор ми беше, Емил Спасовски, на кој што сум му многу благодарен. Првиот тренинг колку што се сеќавам ми беше удирање на топката во зид.
4.Кои се карактеристиките на вашата позиција ?
Јас сум играч кој покривам на повеќе позиции, средина, коректор, примач, така да секоја позиција си е карактеристична по нешто и се обидувам на секоја од нив да одговорам максимално квалитетно и одговорно.
5.Со репрезентацијата на Македонија се пласиравте на второ континентално првенство. Кој е рецептот за успех ?
Да, успеавме и по втор пат да се пласираме и да бидеме дел од Европскиот крем во одбојка, а сето тоа може да се постигне само со многу напорна работа и труд.
6.За 2020 година сте прогласен за најдобар спортист на град Пробиштип. Какво е чуството – споделете ги вашите впечатоци ?
Чуството е многу убаво, прв пат добивам награда од мојот град ПРОБИШТИП, секако дека сум среќен, бидејќи конкуренцијата беше голема и сите номинирани беа квалитетни спортисти и со свои професионални достигнувања за изминатата 2020 година.
7.Кои се придобивките од спортот ?
Придобивките од спортот се многу големи, се учат многу позитивни работи, кои што во животот имаат големо значење.
8.Пробиштип е спортски град. Дали им советувате на новите генерации да се занимаваат со спорт?
Точно, Пробиштип е спортски град и има квалитетни спортисти во секој спорт…….. Секако дека ги советувам младите и ги едуцираме да одберат некој спорт што им е интересен и мислат дека можат да успејат во тој спорт.
9.Каква порака ќе им испратите на нашите верни читатели на јависејужна.мк ?
Голема благодарност до вас и вашиот портал ,,ЈАВИСЕЈУЖНА.МК и ви благодарам што ми овозможивте да дадам интервју и ми претставуваше особено задоволство.
Продолжете така и на добар пат сте да бидете уште поуспешен портал (медиум).
