Ракометарите на Вардар 1961 остварија значајна победа во дербито од 10. коло на македонската Суперлига, откако во СЦ „Борис Трајковски“ го совладаа Алкалоид со 36-31. На полувремето резултатот беше нерешен (17-17), но во вториот дел вардарци одиграа подобро и го решија натпреварот во своја корист со убедливи 19-14 во вторите 30 минути.
Најефикасен во победничкиот состав беше Матео Фадхуиле со 11 голови. Значаен придонес во триумфот имаа и Василиј Воркапич со шест, Леон Љевар со пет, Марио Стојановски со четири, како и Жоао Педро Франциско да Силва и Мохаб Абделхак со по три погодоци. Виктор Јанковски постигна два гола, а Милан Лазаревски додаде еден.
Кај Алкалоид, најефикасен беше Никола Костески со осум голови. Марко Митев постигна седум, Урош Борзаш пет, додека Иван Џонов, Мартин Митев и Игор Ѓорѓиев се запишаа меѓу стрелците со по два погодоци. По еден гол постигнаа Марко Стојковиќ, Мартин Велковски, Нејц Чехте и Александар Петковски.
Со оваа победа Вардар ги освои бодовите од дербито и продолжи со успешните настапи во домашното првенство.
Стрелци:
Вардар 1961: Матео Фадхуиле 11, Василиј Воркапич 6, Леон Љевар 5, Марио Стојановски 4, Жоао Педро Франциско да Силва 3, Мохаб Абделхак 3, Виктор Јанковски 2, Милан Лазаревски 2.
Алкалоид: Никола Костески 8, Марко Митев 6, Урош Борзаш 5, Иван Џонов 1, Матиќ Сухолежник 2, Марко Стојковиќ 1, Игор Ѓорѓиев 2, Мартин Велковски 1, Нејц Цехте 2, Александар Петковски 1, Вуко Борозан 2.




