Срцето мое припаѓа тука, цел живот сум доаѓала во Струга бидејќи имам куќа во Езерски лозја, и гледам максимално да сум тука колку што можам (надежно еден ден и ќе се преселам тука😄). Струга е град со душа, можеш да ја осетиш топлината на градот, тоа е нешто што најмногу ме привлекува кон Струга. Мирот кој го осеќам тука, самиот град, езерото, Црн Дрим, сето тоа ме привлекува.- раскажува Ана Петроска од Скопје вљубеник во фотографирањето.

Ана Петроска која живее во Скопје e вљубеничка во фотографијата. Бидејќи нејзината мајка е од Струга од мала често доаѓа во нејзиниот втор дом. На социјалните мрежи Ana’s photos – justaphoto.аp. споделува фотографии, а многу често нејзина инспирација е токму Струга.

www.javisejuzna.mk Здраво Ана. Често ли доаѓаш во Струга?
Aна: Срцето мое припаѓа тука, цел живот сум доаѓала во Струга бидејќи имам куќа во Езерски лозја, и гледам максимално да сум тука колку што можам (надежно еден ден и ќе се преселам тука😄)
www.javisejuzna.mk Што те привлекува во Струга?
Aна: Струга е град со душа, можеш да ја осетиш топлината на градот, тоа е нешто што најмногу ме привлекува кон Струга. Мирот кој го осеќам тука, самиот град, езерото, Црн Дрим, сето тоа ме привлекува.

www.javisejuzna.mk Што ти е најубаво за фотографирање во Струга?
Aна: Доколку морам да одберам нешто кое ми е омилено за фотографирање во Струга тоа дефинитивно би било струшкото крајбрежје, кејот покрај Дрим.
www.javisejuzna.mk Од кога се занимаваш со фотографии?
Aна: Со фотографирање почнав поинтензивно да се занимавам пред скоро 2 години. Љубовта која ја чувствувам према Струга пробувам да ја споделам преку моите фотографии бидејќи Струга е мојот втор дом, место кое има посебно место во моето срце❤️