По одличниот старт на сезоната од две последователни победи, Колингвуд Мегпајс се наоѓаат во низа од три порази.
Имено, во првиот меч од петтото коло, ,,Страчките” загубија од Бризбејн Лионс со (15.8) 98-91 (14.7).
Колингвуд водеше со 32-20 после првата четвртина, но во вториот дел, домаќините стекнаа удобна предност со серијата од 37-1.
Второто полувреме беше проследено со изедначена игра, која не влијаеше врз исходот од првите два квартали.
Најефикасен поединец кај домаќините беше Џоу Данихер (4.1) со вкупно 25 поени, а хет-трик забележа и Зек Бејли (3.1).
Од противничкиот табор, ист учинок како Данихер имаше Џордан Де Гои (4.1), а по 14 поени додадоа Риф МекИнес (2.2) и Нејтан Кругер (2.2).
На табелата, Бризбејн остана на второто место, додека Колингвуд засега е осми, но има реални шанси да отпадне од плејоф-зоната.
