Дарко Костовски,тренерот на македонскиот олимпиец Дејан Георгиевски кој се закити со сребро, на социјалните мрежи соопшти дека тој и неговиот брат како тренери се откажуваат од 10-те илјади евра, кои државата им ги додели за големи успех во Токио и дека смета дека целата награда треба да оди кај вицешампионот.
„Мојот брат д-р Борче Костовски и јас како тренери на олимпискиот сребрен медалист Дејан Георгиевски, апсолутно се откажуваме од премијата што е доделена за нас, секако таа целосно треба да биде насочена кон олимпискиот вицешампион, новата македонска гордост!“– напиша Дарко Костовски на Фејсбук.
