Вашингтон Капиталс поведоа со 2-1 во осминафиналето против Флорида Пантерс, откако во третиот дуел триумфираа со 6-1.
На мечот, Флорида дојде до почетно водство со голот на Џонатан Хубердо, а во продолжение, домаќините шест пати ја затресоа мрежата на Сергеј Бобровски.
За Вашингтон стрелаа шест различни хокеари, односно Ти Џеј Оши, Маркус Јохансон, Тревор Ван Римсдајк, Александер Овечкин, Џон Карлсон и Гарнет Хатавеј.
Четвртиот меѓусебен натпревар повторно ќе се одигра во американската престолнина вечерта помеѓу 9 и 10 мај со почеток од 01.00 часот после полноќ по македонско време.
