Најслабиот тим во досегашниот дел од сезоната на МЛБ, Синсинати Редс, дојде до само четвртата овосезонска победа.
Имено, синоќа, Редс се радуваа само вторпат на последните дваесет и две пресметки, совладувајќи ги Питсбург Пиратес со 9-2.
После шест ининзи, резултатот гласеше 2-2, а Редс триумфираа постигнувајќи дури седум поени во осмата деветтина.
Од поразениот состав, по четири бази освоија Роберто Перез и Бен Гамел, а солидна партија со девет страјк-аути имаше стартниот фрлач – Џеј Ти Брубакер.
На спротивната страна, со трчање поентираа Брендон Друри (х2), Мајк Мустакас, Томи Фем, Мет Рејнолдс, Тајлер Стивенсон, Колин Моран, Алберт Алмора Џуниор и Тајлер Наквин.
Во Националната лига, Синсинати (4-22) останаа на самото дно, додека Питсбург (10-15) ја зазема десеттата позиција.
