Екипата на Вакифбанк дојде до четвртата титула во низа на турската одбојкарска Султанлар лига, односно до дванаесеттата во клупската историја.
Имено, во финалето, старо-новите шампионки славеа над Фенербахче со вкупни 3-2.
Во петтиот меч, Вакифбанк на домашен терен победи со 3-0 или по сетови 25-23, 25-20 и 25-20.
Од домашните редови, најефикасна беше Изабел Хаак со деветнаесет поени, а уште осумнаесет додаде Габи Гуимараеш.
Од избраничките на Зоран Терзиќ, со по четиринаесет поентирања, најрасположени во нападот беа Арина Федоровцева и Мелиса Варгас.
На новата круна на Вакифбанк и’ претходеше огромниот пресврт во четвртиот меѓусебен дуел, кога Фенербахче имаше водство од 2-0 во сетови, односно од 2-1 во вкупната серија.
