Флитвуд Таун, од конкурент за промоција, успеа да избори опстанок во Лиг 1 во последното коло само поради подобрата гол-разлика од релегираниот Џилингем.
Во пресрет на новата сезона, клубот од Ленкашир реши да ги зголеми своите амбиции и да доведе нови засилувања, почнувајќи на тренерската позиција.
Имено, нов стратег на составот од ,,Хајбери” ќе биде легендарниот играч за врска на Селтик – Скот Браун.
Браун ја започна својата кариера во Хинерниан, од каде што премина во Селтик за 4,4 милиони фунти во 2007.
Во наредните четиринаесет сезони, Шкотланѓанецот стана столб на играта на великаните од Глазгов, а последната година од играчката кариера ја помина во Абердин.
За Браун, ова е првиот тренерски ангажман во кариерата:
,,Почестен сум што сум назначен за нов тренер на Флитвуд Таун. Ова е одлична прилика во толку возбудлив клуб. Отсекогаш имав желба да запливам во тренерските води и едвај чекам да ги запознаам играчите и останатите членови и да започнеме со работа.”
