Дербито на дното помеѓу Кантербери Булдогс и Њукасл Најтс го отвори десеттото коло од тековната НРЛ сезона.
Имено, на ,,Санкорп Стадиум” во дождливиот Бризбејн, пред 30 220 гледачи, Њукасл го порази домаќинот со 6-16.
За ,,Витезите”, денешниот триумф беше трет во сезоната и воедно прв после низата од седум порази.
После првото полувреме, резултатот гласеше 6-6, но гостите дојдоа до славјето со серијата од 10-0 во вториот дел.
За Булдогс, есеј постигна Џош Адо-Кар (20′), а девет минути подоцна, успешен пенал изведе Мет Бартон.
Од противничкиот табор, за шутевите беше задолжен Калин Понга, а по еднаш топката во противничката енд-зона ја внесоа Едрик Ли (14′), Бредман Бест (47′) и Адам Клан (75′).
На табелата, Кантербери остана на последното место, додека Њукасл изби на тринаесеттата позиција.
