После тринаесет одиграни натпревари, екипата на Ст. Џорџ Илавара остана во плејоф-зоната на НРЛ, откако забележа шест победи.
Во увертирата на тринаесеттото коло, Илавара славеше над Бризбејн Бронкос со резултат од 52-24.
Првото полувреме од мечот беше релативно изедначено, со блага предност од 24-18 во корист на домаќините.
Клучна за победата на Илавара беше серијата од 22-0 на почетокот на вториот дел.
За Бризбејн, Тајсон Гембл (1/1) и Џамејн Исаако (3/3) погодија конверзии, а есеи забележаа Дејвид Мид (7′), Ти Си Робати (26′, 30′) и Џеси Артарс (71′).
Од другата страна, Кори Норман погоди 7/8 конверзии, а останатите поени беа дело на: Џек Бирд (12′ и една конверзија), Брејден Вилијаме (20′), Џерард Бил (32′), Метју Дафти (39′, 77′), Коди Ремзи (45′), Џош Кер (50′), Микаеле Равалава (57′) и Бен Хант (64′).
Со новите два поени, Ст. Џорџ скокна на шестото место, додека Бронкос останаа на претпоследната позиција.
