Последната индивидуална трка на дваесет километри од Светскиот куп во биатлон, одржана во Остерсунд (Шведска), му донесе славје на Бенедикт Дол (48:43,4).
Германецот беше единствен натпреварувач со стопроцентен стрелачки учинок што беше пресудно за освојување на третиот триумф во кариерата.
На второто место, за првпат во својот живот, се искачи Томазо Џакомел (+1:09,1), кој им даде дополнителна радост на Италијанците по остварената 1-2 победа во женска конкуренција.
Третата позиција ја освои Ветле Сјастад Кристијансен (+1:11,5) и во отсуство на новиот шампион, Јоханес Тингнес Бо, дојде до малиот кристален глобус во оваа дисциплина.
Во продолжение, пласманот во првите петмина го комплетираа Германците Филип Наврат (+1:51,4) и Роман Реес (+2:02,1).
