Со првиот меѓусебен триумф после 2009, Индијанаполис Колтс ја прекинаа серијата од осум порази во низа од Њу Ингланд Патриотс.
Имено, во првиот саботен овосезонски термин, Колтс ги совладаа Патриотс со 27-17 и ја прекинаа нивната низа од седум врзани победи.
После три четвртини, домаќините водеа со убедливи 20-0, но гостите успеаја да изборат неизвесна завршница, намалувајќи на 20-17 на две минути пред крајот.
Сепак, само дваесет секунди подоцна, Колтс запишаа нови поени и го поставија конечниот резултат.
Домашните редови, целата игра ја базираа на трчањето, при што Џонатан Тејлор помина 170 јарди и постигна еден тачдаун.
Квотербекот Карсон Вентц имаше само 57 освоени јарди од 5/12 комплетирања, а по еден тачдаун забележија уште Нахим Хајнс и И Џеј Спид.
На спротивната страна, Мек Џонс уфрли 299 јарди од 26/45 обиди, два тачдауни кон Хантер Хенри и две пресечени додавања.
Со новиот триумф, Колтс (8-6) го презедоа петтото место во АФК, додека Патриотс (9-5) се наоѓаат на третата позиција.
Во соработка со НФЛ Македонија
