Сиетл Кракен, за првпат во својата историја, влегоа во четвртфиналето на плејофот на НХЛ и уште на дебито во оваа фаза дојдоа до првата победа.
Имено, Кракен стекнаа водство од вкупни 1-0, откако триумфираа над Далас Старс со 4-5 после продолжение.
После дванаесет минути, Далас имаше водство од 2-1, но до крајот на првата третина, во интервал од само 52 секунди, гостите веќе водеа со 2-4.
Во третиот период, домаќините го израмнија резултатот, а триумф на Сиетл му донесе Јани Гурд после дванаесет дополнителни минути.
Освен него, за победничкиот состав стрелаа уште Џејден Шварц, Џастин Шултц, Оливер Бјоркстранд и Џордан Еберле, додека сите четири гола за ,,Ѕвездите” беа дело на Џоу Павелски.
