Пред две недели, Вашингтон Командерс и Њујорк Џајантс одиграа нерешено со 20-20.
Во петнаесеттото коло, дивизиските ривали се соочија повторно и овој пат, Џајантс триумфираа со 12-20.
За екипата од ,,Големото јаболко”, ова беше осма овосезонска победа за прв победнички учинок во една регуларна сезона после 2016.
На тој начин, Џајантс (8-1-5) останаа на петтото место во Националната конференција, спуштајќи ги Командерс (7-1-6) на шестата позиција при што и двете екипи имаат реални шанси за плејоф.
На мечот, за Вашингтон, квотербекот Тејлор Хајники уфрли 249 јарди од 17/29 обиди, а по шест поени донесоа шутерот Џои Слај и фаќачот Џеан Дотсон.
На спротивната страна, Даниел Џонс имаше 160 јарди од 21/32 прецизни додавања, тачдауни имаа Кејвон Тибодо и Саквон Баркли, а Греам Гено погоди два филд-голови и два екстра-поени.
