Италијанскиот ски-центар Алта Бадија беше домаќин на четвртиот овосезонски велеслалом, кој воедно беше последна трка пред католичкиот Божиќ.
На неа, по четврт пат во сезоната славеше Марко Одермат (2:38,27), кој водеше после двете серии и го зголеми водството во генералниот пласман.
На второто место се пласираше Хенрик Кристоферсен (+0,20), додека третопласиран, а воедно и последен со заостаток под една секунда беше Жан Крањец (+0,92).
Вториот најдобар Швајцарец беше Лоик Мејар (+1,32) на четвртата позиција, пред Александер Шмид (+1,38), Алексис Пантуро (+1,41), Марко Шварц (+1,42) и Филип Зубчиќ (+1,77).
