Во увертирата на шеснаесеттото коло, Тенеси Титанс ги поразија Сан Франциско 49ерс со 20-17 што претставува нивна прва меѓусебна победа на домашен терен после 27 ноември 2005.
Гостите од Калифорнија подобро го започнаа мечот и на полувремето водеа со 0-10 преку тачдаунот на Џефри Вилсон и преку шутевите на Роби Гулд.
Во третата четвртина, Титанс израмнија благодарение на шутерот Ренди Балок и на тркачот Д’Онта Формен.
Четвртиот квартал заврши со резултат од 10-7 за Тенеси, а победата беше стекната со филд-голот на гореспоменатиот Балок на неколку секунди пред крајот.
Освен со шутот, домаќините стекнаа поени и со фаќањето на Еј Џеј Браун (145 јарди), додека за гостите, тачдаун постигна Брендон Ајук.
Квотербекот на Титанс, Рајан Тенехил, уфрли 209 јарди од 22/29 комплетирања и еден тачдаун, а притоа истрча уште важни 22 јарди.
На спротивната страна, Џими Гарополо имаше две пресечени додавања, еден тачдаун и 322 јарди од 26/35 обиди, од кои, дури 159 јарди беа дело на Дибо Самуел.
Во НФК, Сан Франциско (8-7) го зазема шестото место, додека Тенеси (10-5) е второпласиран тим во Американската конференција.
Во соработка со НФЛ Македонија
