Пенрит Пантерс на одличен начин го започнаа походот кон одбрана на титулата во НРЛ и изборија директен пласман во полуфиналето.
Во де факто осминафиналето, Пантерс ги поразија Парамата Илс со 27-8 и ја прескокнаа четвртфиналната рунда, каде што ќе играат нивните денешни ривали.
На мечот, Пенрит го доби првото полувреме со 7-6, но на стартот на второто, ,,Јагулите” поведоа со 7-8.
Во продолжение, домаќините направија серија од 20-0 и приредија мирен крај на натпреварот.
За Парамата, Митчел Мосес, со два прецизни шутеви донесе четири поени, а ист учинок имаше и Орегон Кауфуси (28′).
Од победничките редови, Нејтан Клери донесе единаесет поени, Брајан То’о (15′, 51′) имаше осум, а по четири запишаа Дилан Едвардс (59′) и Џејмс Фишер-Херис (61′).
