Во петнаесеттото коло од тековната НФЛ сезона, Минесота Викингс го приредија најголемиот пресврт во историјата на лигата.
Имено, ,,Викинзите”, на домашен терен, триумфираа над Индијанаполис Колтс со 39-36 после продолжение и обезбедија плејоф, осигурувајќи го првото место во НФК Север.
Индијанаполис го започна мечот на одличен начин, со водство од 0-33 на полувремето, кое изнесуваше 7-36 на неполни дваесет минути пред крајот.
Во овој период, Колтс дојдоа до поените преку шутерот Чејс МекЛафлин и преку тачдауните на ЏоЏо Доман, на Дион Џексон и на Џулијан Блекмон, додека квотербекот Мет Рајан уфрли 182 јарди од 19/33 обиди.
Во вториот дел, неговиот колега од другата страна, Кирк Казинс, блеснана теренот и го заврши мечот со 460 јарди од 34/54 прецизни додавања.
Од домашните редови, во листата на поентерите влегоа шутерот Грег Џозеф ииграчите Кеј Џеј Осборн, Си Џеј Хем, Џастин Џеферсон, Адам Тилен, Далвин Кук (190 јарди) и Ти Џеј Хокенсон (конверзија за два поени).
На табелата на Американската конференција, Индијанаполис (4-9) падна на четиринаесеттата позиција, додека Минесота (11-3) е второпласиран тим во НФК.
