Во последниот меч од петнаесеттото коло, во дивизиското дерби на НФК Север, Минесота Викингс ги поразија Чикаго Берс со 9-17.
На мечот, Минесота имаше по еден тачдаун во првата и во третата и еден филд-гол во втората четвртина.
Од друга страна, Чикаго постигна шут за три поени во вториот квартал и едно полагање во последната секунда.
Од домашните редови поентираа Џеспер Хорстед и шутерот Каиро Сантос, додека кај гостите, освен кикерот Грег Џозеф, во листата на стрелците се запишаа Џастин Џеферсон и Имир Смит-Марсет.
Победничкиот состав освои скромни 193 јарди, од кои, квотербекот Кирк Казинс доби вкупно 87 од 12/24 комплетирања (2 тачдауни и 1 пресечен пас).
Неговиот колега на спротивната страна, Џастин Филдс, уфрли 285 јарди од 26/39 обиди и постигна 1 тачдаун.
Минесота (7-7) го зазема осмото место во НФК и ги зголеми шансите за плејоф, додека Чикаго (4-10) ја држи претпоследната позиција.
Во соработка со НФЛ Македонија
