Единствениот натпревар од синоќешната НХЛ програма, кој се одигра без одложувања поради КОВИД-19, беше вистинска голеада.
Имено, за првпат после 30 октомври 2019, Далас Старс ги поразија Минесота Вајлд, славејќи со 7-4.
Далас беше поубедлив во секоја третина и уште од стартот го држеше водството во своја корист.
Минесота успеа да израмни на 2-2 во првиот период, но во продолжение, цело време бркаше заостаток.
Стрелци за Старс беа седум различни хокеари, односно: Џоу Павелски, Еса Линдел, Тајлер Сегуин, Роопе Хинтц, Јакоб Петерсон, Миро Хеисканен и Џејми Бен.
На спротивната страна, двапати погоди Кевин Фиала, а по еднаш во листата на стрелците се запишаа Рајан Хартмен и Кирил Капризов.
И покрај четвртиот пораз во низа, Минесота остана на врвот на Западот, додека Далас ја зазема единаесеттата позиција.
