Репрезентацијата на Аргентина е новиот Светски шампион откако славеше во прекрасното финале со Франција.
Аргентина трет пат во историјата стана светски првак во фудбал совладувајќи го вечерва во спектакуларно финале во Лусаил бранителот на трофејот Франција на пенали со 4-2 (2-2, 2-0).
Аргентина одлично го започна мечот и со головите на Меси од пенал во 23-тата и Ангел Ди Марија во 36.минута имаа два гола предност кои долго ги чуваа се до завршните десет минути. Тогаш на сцена стапи Килијан Мбапе кој со два гола првиот од пенал во 80-тата, а вториот минута подоцна избори продолженија.
Меси со седмиот гол на шампионатот, во 108-та повторно им донесе поредност за Аргентина. но, повторно Мбапе со гол од пенал во 118-тата минута ја спаси Франција од пораз.
MBAPPE HATTRICK TO LEVEL IT AGAIN#ARG 3-3 #FRA pic.twitter.com/MLt9A9XR51
— FIFA World Cup 2022 (@2022_QatarWC) December 18, 2022
Откако 120-те и повеќе минути игра не беа доволни да се реши победникот, тоа се случи после изведувањето пенали каде посреќни беа Аргентина.
За Аргентина, која го играше своето шесто мундијалско финале, ова е прва светска титула по пауза од 36 години, а нејзиниот капитен Лионел Меси дојде до единствениот трофеј што му недостасуваше во неговата блескава кариера.
