Екипата на ЛА Кингс дојде до четвртата последователна победа, откако, во дербито на Калифорнија, славеше над Анахајм Дакс со 1-4.
Заклучно со втората третина, ,,Кралевите” стекнаа предност од 0-4, а за домаќините, почесниот погодок го постигна Трој Тери во третиот период.
Од друга страна, голгетери за гостите беа Карл Грундстром во првиот, односно Адријан Кемпе (х2) и Анже Копитар во вториот дел.
Копитар (15+34) и Кемпе (25+11) се апсолутни лидери по бројот на поени во гостинскиот состав, додека Тери (27+18) е најефикасен поединец кај Дакс.
Во Западната конференција, Кингс скокнаа на шестото место, додека Дакс паднаа на десеттата позиција.
