Њујорк Ајлендерс и Колумбус Блу Џекетс одиграа вкупно шест дуели во 2022 и сите од нив завршија со триумф на составот од ,,Големото јаболко”.
Имено, синоќа, Ајлендерс го искористија домашниот терен и триумфираа над ривалот од Охајо со 2-1.
Во втората третина, домаќините дојдоа до двојно водство, откако во листата на стрелците се запишаа Жан-Габриел Пажо и Метју Барзал.
На дваесет секунди пред крајот, голманот Илја Сорокин конечно капитулираше и прими погодок од страна на Емил Бемстром за поставување на конечниот резултат.
Во Источната конференција, Колумбус остана на последното место, додека Ајлендерс скокнаа на осмата позиција.
