Во претпоследното коло од регуларната НФЛ сезона, Тенеси Титанс направија огромен чекор наназад во битката за пласман во плејофот.
Имено, ,,Титаните” не го искористија домашниот терен и загубија од Далас Каубојс со 13-27 на ,,Нисан Стадиум” за првпат во меѓусебен дуел после 2014.
После три четвртини, резултатот гласеше 13-17, но ,,Каубоите” додадоа уште десет поени во последниот квартал.
Од победничките редови, Дак Прескот имаше 282 јарди од 29/41 додавања и два тачдауни кон Далтон Шултц.
Освен него, топката во противничката енд-зона ја внесе и Езекиел Елиот, а останатите поени ги додаде Брет Махер.
На спротивната страна, Џошуа Добс (232 јарди од 20/39 обиди) уфрли еден тачдаун кон Роберт Вудс, а шутерот Ренди Булок имаше еден прецизен екстра-поен и два погодени филд-голови.
Во НФК, Далас (12-4) обезбеди сигурен плејоф, додека Тенеси (7-9) падна на единаесеттата позиција во Американската конференција.
