Кливленд Браунс успеаја да се извлечат од несакано сценарио, откако во единаесеттото коло, тесно ги надиграа Детроит Лионс со 13-10.
Браунс ги постигнаа сите поени во втората четвртина, кога Џарвис Лендри и Ник Чаб забележија тачдаун, а шутерот Чејс МекЛафлин погоди еден, а промаши два удари.
Во третиот период, Д’Андре Свифт ја внесе топката во енд-зоната на Кливленд за намалување на резултатот, а дополнително во тоа придонесе и шутерот Алдрик Росас со четири поени.
И двете екипи ја форсираа повеќе играта со трчање при која гореспоменатите Чаб и Свифт освоија по 130, односно по 136 јарди.
Квотербекот на Браунс, Бејкер Мејфилд, уфрли 176 јарди, еден тачдаун и две пресечени додавања, додека неговиот колега на спротивната страна, Тим Бојл, донесе само 77 јарди за својот тим.
Со оваа победа, Браунс (6-5) избија на единаесеттата позиција во АФК, додека Детроит (0-1-9) останува на дното во НФК.
Во соработка со НФЛ Македонија
