ЛА Клиперс се на прагот од елиминација, откако во полуфиналната серија против Феникс Санс губат со вкупни 3-1.
Синоќа беше одигран четвртиот дуел, кој заврши со 80-84 во корист на Феникс.
Гостите од Аризона стекнаа двоцифрена предност во првото полувреме, која накрај се покажа како клучна и покрај тоа што Клиперс успеаја да се вратат до негатива од -1.
Девин Букер, со 25 кошеви, беше повторно најефикасен од составот на Санс, заедно со Деандре Ејтон, кој уфрли дабл-дабл од 19 поени и од 22 скокови.
Кај Клиперс, Пол Џорџ запиша 23 поени и 16 скокови, а по него следуваше Реџи Џексон со 20 кошеви.
Петтиот меѓусебен меч на двете екипи е закажан за вечерта помеѓу 28 и 29 јуни со почеток од 03.00 часот после полноќ.