Синоќа, Ст. Луис Кардиналс успеаја да ја прекинат лошата серија од пет порази, откако славеа над Питсбург Пиратес со 3-1.
Сите поени на мечот беа постигнати во првите пет ининзи со тоа што Пиратес реализираа во четвртиот, а Кардиналс во првиот, во вториот и во петтиот период.
За ,,Пиратите”, единствен поентер беше Грегори Поланко, кој дојде до својот осми овосезонски хоум-ран.
Од играчите на Ст. Луис, четири бази освои Дилан Карлсон, а по еден хоум-ран запишаа Пол ДеЈонг и Пол Голдшмидт.
Ударот на Голдшмидт беше долг 470 стапки (143,2 метри) што претставува четврт најдалечен удар во историјата на ,,Буш Стадиум 3″.
За победничкиот состав, одлична партија пружи и фрлачот Адам Веинрајт, кој за шест ининзи освои осум страјк-аути.
Непосредно по натпреварот, Кардиналс (37-40) го заземаа деветтото место во Националната лига, додека Питсбург се наоѓа на претпоследната позиција.