Во увертирата на дваесет и петтото коло од англискиот Чемпионшип, КПР повтори неуспех стар речиси четири децении.
Имено, ,,Ренџерите” го запишаа првиот домашен пораз на ,,Лофтус Роуд” од Лутон после 1984, откако загубија со 0-3.
Човек на одлуката за ,,Шеширџиите” беше Карлтон Морис (10′, 47′), кој даде два гола и направи една асистенција кон Алфи Доти (81′).
На овој начин, Морис стигна до десеттиот погодок во сезоната, кој го искачи на третото место на листата на стрелците, веднаш позади Виктор Ѓокереш (12) и Чаба Акпом (12).
На табелата, Лутон дојде на чекор до плејоф-зоната, заземајќи го седмото место, додека КПР падна на единаесеттата позиција со само бод помалку.
