Кадетската репрезентација на Македонија одигра одлично на силниот турнир „Шпаркасен Куп“ во германскиот град Мерциг. Турнирот го заврши на одличното четврто место откако загуби тесно најпрво во полуфиналето од Исланд, а потоа и во натпреварот за третото место од последниот кадетски светски првак Египет.
Во групната фаза нашите момчиња славеа над Холандија и Австрија, а загубија од силната Германија која беше домаќин на овој турнир. Ова беше одлично искуство за селекторот Раде Стојановиќ и неговиот стручен штаб да види до каде се нашите кадети против најсилните.
