Од НФК, првиот патник во конференциското финале е екипата на Филаделфија Иглс, која во втората рунда од плејофот, славеше над Њујорк Џајантс со 38-7.
Џајантс влегоа во овој дуел како потполни аутсајдери што јасно дојде до израз после првото полувреме, кога веќе губеа со 28-0.
Нивниот квотербек, Даниел Џонс, освои скромни 135 јарди од 15/27 прецизни обиди, а единствениот тачдаун го постигна Мет Брида.
Од победничките редови, Џејлен Хуртс уфрли 154 јарди од 16/24 додавања, истрча за еден и подаде за уште два тачдауни.
Освен него, топката во противничката енд-зона ја внесоа уште Далас Годерт, ДеВонта Смит, Бостон Скот и Кенет Гејнвел.
Во последната пречка пред Супер Боул, Филаделфија ќе ги одмери силите со подобриот од дуелот помеѓу Сан Франциско 49ерс и Далас Каубојс.
