Феникс Санс дојдоа до четвртата победа на последните пет средби, откако синоќа ги совладаа Мајами Хит со 90-111 во дербито на НБА.
Мајами водеше во поголемиот дел од првото полувреме, но се серијата од 34-19 во третата четвртина, Санс ја освоија победата.
Од гостинските редови, Деандре Ејтон (19 поени и 10 скокови) направи дабл-дабл, а поефикасни од него беа Мајкл Бриџес и Девин Букер со 21, односно со 23 поени.
На спротивната страна, Бам Адебајо и Тајлер Херо уфрлија по 17 кошеви, а Данкан Робинсон додаде уште 22.
Во Западната конференција, Феникс (53-13) убедливо го држи првото место и стана првиот тим што обезбеди плејоф, додека Мајами (44-23) сè уште остана на врвот на Истокот.
