Чикаго Булс се покажаа како незгоден противник за Далас Маверикс, откако синоќа славеа со 117-107 и го запишаа четвртиот меѓусебен триумф во низа.
После неизвесноста во првото, Чикаго ја презеде контролата во второто полувреме, а особено во четвртиот квартал, кога целосно ја чуваше двоцифрената предност.
Како најефикасни кошаркари од домашниот состав се покажаа Зек ЛаВин (23) и Лонзо Бол (21), додека Црногорецот Никола Вучевиќ уфрли дабл-дабл од 18 поени и од 10 скокови.
Уште еден играч од нашите простори, Лука Дончиќ (Далас) запиша дабл-дабл учинок (20 поени и 10 асистенции), исто како и неговиот соиграч – Криштапс Порзингис (22 кошеви и 12 скокови).
На Истокот, Чикаго (8-3) успеа да го задржи првото место, а Далас (7-4) падна на петтата позиција во Западната конференција.
