Аризона Кардиналс ја започнаа сезоната на одличен начин, но слабата форма во финишот им донесе потежок ривал во плејофот.
Кардиналс продолжија со разочарувачките перформанси и во доигрувањето, каде што загубија уште во првата фаза од ЛА Ремс со 34-11.
Ремс го решија цел натпревар уште во првото полувреме, после кое водеа со 21-0, дозволувајќи им само 37 јарди на противничките играчи.
Во третиот квартал, двете екипи имаа по еден тачдаун, а во четвртиот, Мет Геј (ЛА Ремс) погоди два, а Мет Прејтер (Аризона) – еден филд-гол.
Единствениот тачдаун за Кардиналс го постигна Џејмс Конер, а квотербекот Кајлер Мареј уфрли скромни 137 јарди и две пресечени додавања.
Едниот пресечен пас заврши во рацете на Дејвид Лонг за пик-6, а од соиграчите, тачдаун за победниците постигнаа Одел Бекам Џуниор, Метју Стафорд и Купер Кап.
Стафорд, освен со трчање, имаше и два тачдауни со додавање и вкупно 202 јарди од 13/17 комплетирања.
Во конференциското полуфинале, Ремс ќе гостуваат кај Тампа Беј Баканирс, кои ги поразија Филаделфија Иглс со 31-15.
Во соработка со НФЛ Македонија
