На вториот овогодишен НФЛ натпревар во Лондон, Њујорк Џајантс ги совладаа Грин Беј Пекерс со 22-27.
После првото полувреме, Пекерс водеа со 20-10, но во второто полувреме успеаја само да дојдат до едно ,,сејфти”.
За поразениот состав, по еден тачдаун имаа Ален Лазард и Мерседес Луис, Мејсон Кросби погоди два филд-голови и два екстра-поени, а Арон Роџерс освои 222 јарди од 25/39 обиди за додавање.
На спротивната страна, Греам Гено погоди вкупно пет шутеви, тачдауни имаа Даниел Белинџер, Гери Брајтвел и Саквон Баркли, а квотербекот Даниел Џонс имаше 217 јарди од 21/27 прецизни пасови.
Во Националната конференција, со натпревар повеќе во однос на конкурентите, Џајантс (4-1) скокнаа на второто, а Пекерс (3-2) паднаа на петтото место.
