За првпат после 3 октомври 2017, Витјаз Подолск, како домаќин, успеа да избори победа над Спартак Москва.
Иако оваа сезона, поради реновирањето на салата во Подолск, Витјаз ги игра домашните мечеви во Балашиха, успеа да го надигра Спартак со вкупни 2-1 после пенали.
Во регуларниот дел, резултатот гласеше 1-1, откако Роман Старченко погоди за Спартак во првата, а Станислав Јаровој за Витјаз во втората третина.
Во пенал-серијата, за домаќините погодија Кирил Расказов и Даниел Буцајев, а за гостите реализираше Андреј Локтионов.
Во овој пораз, единствена светла точка за претставниците на главниот град на Русија беше голманот Патрик Рибар, кој запиша 45/46 одбрани (97,83%).
Во Западната конференција, Витјаз ги презеде петтото место од денешниот ривал, спуштајќи го на шестата позиција.
