ЦСКА Москва го запиша првиот овосезонски пораз со тоа што загуби на домашен терен од АК Барс Казањ со убедливи 1-5.
На мечот, ,,Армејците” стекнаа почетна предност преку Витали Абрамов во шеснаесеттата минута, но во продолжение пет пати го вадеа пакот од својата мрежа.
Од вкупните триесет шутеви, позади грбот на дебитантот во дресот на ЦСКА, Александер Шариченков, завршија оние на: Илја Сафонов, Кирил Панјуков, Александер Радулов, Данил Тарасов и Никита Динјак.
Во Западната конференција, ЦСКА падна на петтата позиција, додека првата победа во 2022/23 му го донесе второто место на АК Барс на Истокот.