Третото коло од грчката Супер лига беше затворено со градското дерби на Солун помеѓу Арис и ПАОК.
Двете екипи ремизираа со 0-0 на стадионот ,,Клеантис Викелидис”, кој беше целосно исполнет од громогласната публика, а почетокот на натпреварот доцнеше петнаесет минути поради пирографијата на домашните навивачи.
Арис имаше поголем посед на топката во текот на мечот, а притоа ја имаше и најизгледната шанса за гол на стартот на второто полувреме (53′).
Сепак, од белата точка слабо шутираше Андре Греј, чијшто удар беше лесно одбранет од Хрватот Доминик Котарски.
Во судиското продолжение, ривалите потполно изгубија контрола и настана физички контакт во кој, црвен картон добија Брајан Дабо од домашните и Омар Ел Кадури од номинално гостинските редови.
На табелата, ПАОК го држи третото место, а Арис дојде до осмата позиција.
