Првиот меч од меѓусебната серија во тест крикет помеѓу најголемите ривали, Австралија и Англија, заврши со 425&20/1 – 147&297 (445-444) во корист на претставниците на најмалиот континент.
Австралијците дојдоа до водство од вкупни 1-0 во тековниот ,,Ашес” пред сè поради одличното издание во првите два дена, кога постигнаа 425, а примија само 147 поени.
Во текот на двата англиски ининзи, најкорисни удирачи беа Џос Батлер (39), односно Џоу Рут (89), додека како најистакнати австралиски фрлачи се покажаа Пет Каминс (5-38) и Нејтан Лајон (4-91).
На другата страна, најдобри фрлачки перформанси од Англичаните имаше Оли Робинсон (3-58 и 1-13).
Што се однесува до поентерите на победничкиот состав, Тревис Хед (152) и Давид Варнер (94) беа најефикасни во првиот, а Маркус Херис (9*) и Алекс Кери (9) во вториот ининг.
Вториот меч од ,,Ашес” е закажан за 16 декември, а истиот ќе биде одигран во градот Аделаид.
