Во првите пет кола од новата НФЛ сезона, единствени екипи без победа беа Њујорк Џетс, Њујорк Џајантс и Атланта Фалконс. Во денешното шесто коло, две од нив, Џајантс и Фалконс, ги остварија своите први триумфи и „скокнаа“ на 1-5.
Џајантс имаа доста среќа во дивизискиот дуел против Вашингтон ФК. Освен што дојдоа до победата од 20-19, претставниците на „Големото јаболко“ го направија тоа во последните секунди од мечот.
По наизменичното постигнување на тачдауните и на филд-головите, играчите на Вашингтон дојдоа до конечните 20-19 преку првиот тачдаун во кариерата на Кем Симс во последната минута. Во продолжение следуваше еден екстремно смел потег, односно обид за конверзија за два поени што заврши неуспешно и наместо втората победа, им го донесе петтиот пораз.
Што се однесува до Атланта Фалконс, тие пред само неколку дена го отпуштија Ден Квин од тренерската позиција и веднаш покажаа подобро издание во својата игра. После првото полувреме, Фалконс водеа со 0-20, односно со 7-30 после третата четвртина, на гостински терен против Минесота Викингс што ги доведе до победата од конечни 23-40. Хулио Џонс беше неверојатен за победничкиот состав со два тачдауни и 137 освоени јарди.
Во соработка со НФЛ Македонија



