Аризона Кардиналс не знаат за победа против Њу Ингланд Патриотс цела деценија, односно уште од 2012.
Во четиринаесеттото коло од тековната сезона, Кардиналс загубија од ривалите од Масачусетс со 13-27.
Иако водеа со 13-10 на полувремето, домаќините беа неутрализирани во продолжение и загубија поради противничката серија од 17-0.
За поразениот состав, единствениот тачдаун го даде Џејмс Конер, а квотербекот Колт МекКој освои 246 јарди од 27/40 прецизни додавања.
Кај Патриотс, Мек Џонс имаше 235 јарди од 24/35 обиди, а топката во противничката енд-зона ја внесоа Кевин Херис, Пјер Стронг Џуниор и Реквон МекМилан.
Во Националната конференција, Аризона (4-9) го држи четиринаесеттото место, додека Њу Ингланд (7-6) е на шестата позиција во АФК.
