1.Кој ве запозна со фудбалската игра ?
Теона Вучева:
1. Најпрво од нашата 8-ма година трениравме тенис 6 години, ама заради условите и дека беше многу скапо се откажавме, а фудбалот од секогаш го сакавме, преку татко ни. Тој секогаш следеше фудбал и ние преку него го засакавме фудбалот.

Тиана Вучева:
2.Колку години тренирате и дали претходно ве интересирала друга професија ?
2.Тренираме четири години, а пред фудбалот трениравме тенис ама поголема ни беше љубовта спрема фудбалот. На денот на нашиот роденден започнавме да тренираме и денеска ние четврта година со тренинг откако започнавме и клубот ние второто наше семејство.

Теона Вучева:
3.Кој е вашиот прв фудбалски ментор ? Се сеќавате ли како изгледаше првиот ваш ден на тренинг или натпревар ?
3. Нашиот прв ментор и тренер е Никола Гелевски. Искрено не се сеќаваме само знам дека бевме многу повлечени и имавме малце страв, бидејќи на ќумурното имаше многу деца кои тренираа подолго и беа поискусни од нас. Едноставно не знаевме дали ќе се вклопиме во таа нова средина.

Тиана Вучева:
4.На која позиција настапувате ?
4. Теона е голман, а јас играм во нападот по крилните позиции.

Теона Вучева:
5.Со какви успеси и достигнувања може да се пофалите ?
5. Веќе две и пол години сме во сениорската екипа, а во 2018 година со младинската екипа во Скопје игравме финале против тимот од Струмица, каде незаслужено изгубивме. Тоа е наше најголемо достигнување, а за останатите успеси на клубот подетално може да ви каже нашиот тренер.

Тиана Вучева:
6.Битола е спортски град. Дали им советувате на девојчињата да се занимаваат со фудбал?
6. Да спортот во Битола отсекош бил на прво место и покрај тоа што повеќето сметаат дека фудбалот е машки спорт и девојчињата имаат многу талент, а повеќето се упорни кои се трудат да успеат па вреди на таквите да им се даде шанса. Спортот сметам дека не треба да го делиме на машки и женски туку треба секој од нас да проба да се занимава со било кој спорт.

Теона Вучева:
7.Кој вие ваш омилен фудбалер/фудбалерка и омилен тим за кој што навивате ?
7. Мене омилени фудбалери од секогаш ми биле Икер Касиљас и Лука Модрич, а доколку треба да се издвои по голманска линија секако ќе го изберам Касиљас , а на Тиана идол и е Марсело, а најголема инспирација и мотивација гледа од Елиф Елмас.

Тиана Вучева:
8.Имате ли хоби за кое што сакате да ни раскажете нешто повеќе ?
8. Имаме хоби. Подолго време се занимаваме со цртањето. Од мали нозе постепено ги усовршувавме техниките и вештините кон цртежите и имаме желба за успех и во оваа сфера од животот. Па така благодарение на нашите напори денес имаме постигнато прилично голем успех, посебно кога се работи за наша годишна возраст. Нашите желби полека се остваруваат, нашите цртежи стигнаа и до Немања Матиќ,фудбалерот на Манчестер Јунајтед и се надеваме дека конечно ќе дојде до средба со него. А во иднина како и секој поединец имаме големи надежи и веруваме дека можеме да постигнеме уште многу други поголеми успеси.

Теона Вучева:
9.Каква порака ќе им испратите на читетелите на јависејужна.мк ?
9. Според мене страната јависејужна.мк, е една од подобрите во Македонија која покрај гол.мк, ја информира јавноста со спортот во нашата држава . Таа можеби е и единствената страница која редовно го прати женскиот фудбал. Многу ми е мило што и во нашата земја има ваква страница која не го дели женскиот од машкиот фудбал. Им препорачувам тие што не ја следат да ја заследат страницата бидејќи за мене е една од подобрите за спорт во Македонија.




