Четвртиот супервелеслалом во сезоната од Светскиот куп во алпско скијање во машка конкуренција се одржа денес во Кицбил, откако беше подместен за еден ден, поради неповолните временски услови во саботата.
По петти пат во историјата, Кицбил бил домаќин на трка од Светскиот куп во понеделник и на секоја од нив победил домашен натпреварувач.
Таков беше случајот и денес, откако Австриецот Винсент Крихмајер (1:12,58) ја запиша својата седма победа во кариерата и со тоа го презеде водството во поредокот на оваа дисциплина.
На победничкиот пиедестал, исто така, се најдоа уште Марко Одермат (+0,12) и Матијас Мајер (+0,55), а на италијанскиот ветеран, Кристоф Инерхофер (+0,59), подиумот му побегна за само четири стотинки.
Дополнително, пласман во првите десет изборија Кристијан Валдер (+0,70), Џејмс Крофорд (+1,11), Стефан Бабински (+1,19), Матје Баје (+1,34), Лоик Мејар (+1,41) и Андреас Сандер (+1,41).
📸 JEAN-CHRISTOPHE BOTT/EPA-EFE/REX
