Веќе подолго време се предвидуваше дека Роџер Федерер ќе стави крај на богатата кариера. Швајцарскиот ас на 41 година одлучи да го напушти белиот спорт и ќе замине како еден од најголемите во историјата.
Лејвер Купот ќе биде последното натпреварување во кариерата на големиот шампион. Тој ќе се одјави од тенисот со дваесет Грен слем титули зад своето име. Долго време беше на врвот на вечната листа, но неодамна падна зад Рафаел Надал и Новак Ѓоковиќ, кои во наредниот период би можеле уште повеќе да ја зголемат својата предност.
Рекордни осум трофеи Федерер освои на Вимблдон, еднаш се радуваше на Ролан Гарос, шест пати го освојуваше Австралија опен, а на УС Опен беше најдобар во пет наврати. Кариерата ја завршува со вкупно 103 титули, па Џими Конорс со 109 одличја остана на првата позиција во оваа категорија.
Швајцарецот има најмногу последователни недели на врвот на АТП листата (237 недели), тој е највозрасен „број еден“ со 37 години, а е единствен играч со најмалку пет титули на три Грен слем турнири.
Против најголемите ривали има негативен скор. Со Надал одиграл 40 меча и загубил на 24 од нив, а загубил од Ѓоковиќ 27 пати на 50 одиграни дуели.
