По десетти пат во сезоната, Сан Диего Падрес беа лимитирани на ,,нула”, откако синоќа беа поразени од Аризона Дајамондбекс со 4-0.
Домаќините постигнаа два поени во четвртиот и по еден поен во седмиот и во осмиот ининг за да дојдат до конечниот резултат.
За Дајамондбекс, четири бази освои Стоун Герет, а по еден хоум-ран постигнаа Кетел Марте, Емануел Ривера и Карсон Кели.
Одличен настап за победничкиот состав имаше стартниот фрлач, Дреј Џејмсон, кој дебитираше во МЛБ со пет страјк-аути.
Во Националната лига, Сан Диего (78-66) остана на шестото место, додека Аризона (68-75) се наоѓа на деветтата позиција.
