Асоцијацијата на тениски професионалци (АТП) одлучи да не му го продолжи договорот на досегашниот претседател Крис Кермоде, а чиј договор истекуваше на крајот на сезоната. ,,Беше привилегија да служам како директор и претседател на АТП од 2014 година. Горд сум на се што постигнавме во овој период. Им благодарам на сите што се во АТП, на сите тенисери и турнири за подршката. Ќе останам потполно посветен во улогата се до крајот на мандатот и посакувам на организацијата успех и во иднина” – соопшти Кермоде.
Веќе неколку месеци наназад се зборуваше за негова смена од голем број на тенисери, кои сметааа дека Кермоде е човекот кој АТП го води во погрешен правец. Предводник и заговорник на идејата Кермоде да ја напушти функцијата е Новак Ѓоковиќ, кој што пропушти да ја објасни улогата во целиот случај. Во изјавата Ѓоковиќ пред медиумите го кажа следново:
,,Не сакам да одговорам на вашето прашање директно. Не сакам да го кажам личниот свој став. Делови од информацијата која би ви ја дал ќе биде кршење на довербата во организацијата, а не сакам тоа да го ризикувам. Многу позитивни работи во прв план АТП куп 2020, финале ,,Next Gen”. Но и други работи кои ќе мора да се променат во внатрешниот систем” – изјави Ѓоковиќ.



