Последниот ден од јубилејното 50. Светско првенство во санкање на вештачки патеки го отвори натпреварувањето во женска индивидуална конкуренција.
Имено, во германскиот Конихзее, до титулата ,,светска шампионка”, за првпат во кариерата, дојде Германката Јулија Таубитц (1:41,132), но кога е во прашање санкањето во две серии. Доколку се зема предвид и спринтот, тогаш Таубитц по вторпат освои светско злато, со тоа што беше најбрза во петокот.
Домашната нација повторно издоминира, исто како и на петочниот спринт, имајќи уште две претставнички на подиумот.
Имено, водечката во Светскиот куп, Натали Гајзенбергер (+0,315), беше второпласирана, а Дајана Ајтбергер (+0,472) се закити со бронза.
Во продолжение, само уште нивната сонародничка Ана Берајтер (+0,838) заостануваше помалку од една секунда.
📸 Alexander Hassenstein/Getty Images