Најисточниот руски дуел во КХЛ го сочинуваат Амур Хабаровск и Сибир Новосибирск.
Денес, двете екипи се соочија по третпат во тековната сезона, а Амур дојде до првата меѓусебна победа со резултат од 3-1.
,,Тигрите” од Хабаровск, после две третини веќе водеа со 3-0, а стрелци беа Кирил Расказов, Доминик Машин и Владимир Михасјонок.
Во третиот период, единствен хокеар што ја затресе мрежата на Јевгени Аликин беше Александер Шаров, кој го постигна својот шести овосезонски погодок во дресот на Сибир.
Шансите за Амур да влезе во плејоф се речиси непостоечки и покрај денешниот триумф, додека Сибир драстично си ја искомплицира ситуацијата и остана на деветтото место со единаесет бодови заостаток во однос на Торпедо.
📸 bookmaker-ratings.ru
