На третата индивидуална трка од Светското првенство во крос-кантри во Планица (Словенија), Симен Хегштад Кругер го освои второто злато.
Норвежанецот (32:17,4) беше најбрз на патеката од петнаесет километри за освојување на вкупно петтиот светски медал.
Неговите сонародници, очекувано, повторно издоминираа, заземајќи пет од првите шест места.
Хет-трикот на подиумот го комплетираа Харалд Остберг Амундсен (+5,3) и Ханс Кристер Холунд (+24,6).
За неполна секунда, без одличје остана Јоханес Клебо (+25,5), а по него следуваа единствениот Швеѓанец при врвот, Вилијам Порома (+48,9) и Сјур Роте (+52,8).
На седмата позиција се пласираше Фридрих Мох (+1:08,1), а одличен пласман оствари Андорецот Иренеу Естеве Алтимирас (+1:09,8) на осмото место.
Свои претставници на денешната трка имаше и македонската селекција, осумдесет и шестиот Ставре Јада (+7:39,0) и Дарко Дамјановски, кој не ја заврши трката.
