Актуелната освојувачка на Светскиот куп во алпско скијање, Петра Влхова, и’ го донесе на Словачка првиот медал на ЗОИ во овој спорт.
Имено, Влхова (1:44,98) дојде до златото во слалом, иако беше дури осма после првата серија.
Седмопласираната слијачка после првиот дел, Катарина Линсбергер (+0,08), го освои второто олимписко сребро во кариерата, после второто место на тимскиот настан во Пјонгчанг 2018.
Следствено на сребреното одличје од претходните ЗОИ, овој пат, со бронза се закити искусната Венди Холденер (+0,12).
Втората серија имаше две големи трагичарки.
Лена Дир (+0,19) беше првопласирана по првото скијање, но со губењето на ритамот во финишот, загуби подиум за седум стотинки.
Освен Германката, третопласираната Сара Хектор, која е новата олимписка шампионка во велеслалом, не успеа да ја заврши трката поради грешка.
Иста судбина како Швеѓанката имаа уште неколку квалитетни скијачки: Федерика Брињоне, Мина Фирст Холтман, Катарина Трупе и Микаела Шифрин.
Словенката Андреја Слокар (+0,22) заврши на петтата позиција, а во топ 10 се пласираа: Мишел Гизин (+0,60), Камил Раст (+0,77), Пола Молтцан (+1,20), Ана Свен-Ларсон (+1,33) и Алин Данио (+1,66).
